Dagur 1 | 9. Júní

Áfangastaðir: Riga, Lettland | Tbilisi, Georgía

Ferðin hefst á flugi frá Keflavíkurflugvelli til Riga í Lettlandi klukkan 00:30 þann 9. Júní og lendum við þar klukkan 07:05. Við erum sótt á flugvöll og keyrð á Tallink Hotel Riga, frjáls tími þar til við fljúgum áleiðis til Tbilisi um kvöldið. Riga er afskaplega falleg borg og margt spennandi að sjá hér, til dæmis eitt stærsta samansafn af Art Noveau og Jugend byggingalist. Gamli bærinn í Riga er á heimsminjaskrá UNESCO og auðvelt fyrir gangandi vegfarendur að komast leiðar sinnar þar.

Áframhaldandi flug til Tbilisi í Georgíu frá Riga er klukkan 18:20 og áætluð lending í Tbilisi klukkan 23:45 þar sem við verðum sótt og keyrð á Hotel Astoria eða sambærilegt hóteli.

Dagur 2 | 10. Júní

Áfangastaðir: Gudauri, Georgía | Ananuri Castle Complex, Georgía | Gergeti Trinity Church, Georgía

Við keyrum til bæjarins Gudauri þar sem sjálf gönguferðin hefst. Á ferð okkar um Kákasusfjöllin göngum við yfir svæði sem gjarnan er lýst sem bæði friðsælu og stórfenglegu. Sú leið sem við förum er ekki sú gönguleið sem flestir ferðamenn fara og gefst okkur einstakt tækifæri til að njóta náttúrunnar fjarri fjöldanum. Við göngum um afskekkt gil við rætur Gudauri fjalla á mörkum Kákasusfjalla. Við sjáum ýmsa spennandi hluti á leið okkar eins og Ananuri kastalann, Gudauri skíðasvæðið og Gergeti Trinity kirkjuna.

Við borðum saman kvöldverð og gistum í bænum Sno á Hotel Sno Kazbegi.

Erfiðleikastig | Auðvelt

Göngulengd | 7 kílómetrar

Tími | 5 klukkustundir

Keyrsla | 180 kílómetrar

Dagur 3 | 11. Júní

Áfangastaðir: Juta, Georgía | Chaukhi Lake, Georgía | Sno, Georgía

Byrjum daginn á morgunverði á hótelinu áður en við göngum af stað frá Sno í átt að þorpinu Juta sem er í 2.200 metra hæð yfir sjávarmáli. Við ferðumst um fallega dali meðfram undnum ám og sjáum háa tinda hinna tilkomumiklu Chaukhi fjalla á hrygg Kákasusfjalla sem standa í um 3.688 etra hæð yfir sjávarmáli.

Við stöldrum við í þorpinu Juta og fáum okkur hádegisverð þar áður en við höldum áfram göngu okkar að Chaukhi Lake áður en við göngum aftur til þorpsins Sno.

Við borðum saman kvöldverð og gistum í bænum Sno á Hotel Sno Kazbegi.

Erfiðleikastig | Auðvelt

Göngulengd | 26 kílómetrar

Tími | 10 klukkustundir

Keyrsla | 20 kílómetrar

Dagur 4 | 12. Júní

Áfangastaðir: Uplistsikhe, Georgía | Kutaisi, Georgía

Byrjum daginn á morgunverði á hótelinu. Þessi dagur er stuttur göngudagur. Við munum skoða margt spennandi eins og hinn forna hellabæ Uplistsikhe sem spilaði stórt hlutverk í sögu Georgíu um langt tímabil eða um 3000 ár. Við borðum saman hádegisverð í Uplistsikhe.

Við borðum saman kvöldverð og gistum í bænum Kutaisi á Tskaltubo Epic Hotel.

Erfiðleikastig | Auðvelt

Göngulengd | 2 kílómetrar

Tími | 1 klukkustund

Keyrsla | 360 kílómetrar

Dagur 5 | 13. Júní

Áfangastaðir: Svaneti, Georgía | Enguri Dam, Georgía | Mestia, Georgía

Dagurinn hefst með morgunverði á hótelinu áður en keyrt er til Svaneti héraðs. Við keyrum frá Kutasi og skoðum Enguri stífluna sem er stórkostlegt mannvirki og næsthæsta sementstífla heims eða 271.5 metrar á hæð. Við keyrum í gegnum eitt fallegasta svæði Georgíu, Svaneti, með stoppum á leiðinni - við sjáum fjöll, skógi vaxnar hlíðar og jökla á leið okkar til þorpsins Mestia sem er í 1.600 metra hæð yfir sjávarmáli, þaðan leggjum svo upp í gönguferð.

Við sjáum Chalaadi jökulinn þar sem háir tindar blasa við okkur. Við göngum í gegnum furuskóg um tíma áður en við tekur gil þakið stórgrýti þar sem var jökull áður en hann hopaði.

Við borðum saman kvöldmat í Mestia að lokinni göngu og gistum á Mestia Inn.

Erfiðleikastig | Auðvelt

Göngulengd | 17 kílómetrar

Tími | 4 klukkustundir

Keyrsla | 260 kílómetrar

Dagur 6 | 14. Júní

Áfangastaðir: Lake Koruldi, Georgía | Jabeshi [Mulakhi], Georgía

Dagurinn hefst með morgunverði á hótelinu. Að honum loknum erum við keyrð á jeppum að Koruldi vötnunum þar sem við fáum að njóta ótrúlegs útsýnis Kákasusfjalla. Við ferðumst að Krossinum sem gnæfir í um 700 metra hæð yfir Mestia á leið okkar að Koruldi áður en við snúum við til baka.

Gönguferð dagsins hefst við rætur Mestia og Koruldi vatna og tekur okkur að þorpinu Jabeshi. Á leið okkar munum við meðal annars sjá Lamari Church og Tsanerula ána. Gönguferðin endar í Jabeshi [Mulakhi] þar sem við borðum saman kvöldverð og gistum á gistiheimili þar.

Erfiðleikastig | Krefjandi - Erfitt

Göngulengd | 12 kílómetrar

Tími | 6 klukkustundir

Keyrsla | 10 kílómetrar

Dagur 7 | 15. Júní

Áfangastaðir: Ughviri Pass, Georgía | Adishi, Georgía

Morgunverður á hótelinu. Ganga dagsins tekur okkur um skógarslóð upp að Ughviri fjallaskarðinu í 2.480 metra hæð þar sem við fáum einstakt útsýni yfir Kákasusfjöllin. Slóðin liggur í gegnum skóglendi með miklu magni af lækjum og litlum ám. Við göngum um akra og frá hálendinu sjáum við þorpið Adishi, í dag búa þar nokkrar fjölskyldur í aldagömlum húsum. Við fáum einstaka innsýn í daglegt líf þorpsbúanna, skoðum sjálft þorpið og borðum þjóðlegan kvöldverð. Við gistum í Adishi.

Erfiðleikastig | Auðvelt - Krefjandi

Göngulengd | 13 kílómetrar

Tími | 5 - 6 klukkustundir

Keyrsla | 0 kílómetrar

Dagur 8 | 16. Júní

Áfangastaðir: Adishchala, Georgía | Ifrari, Georgía

Gönguleið þessa dags er ein sú ótrúlegasta í ferðinni, gengið er yfir tilkomumikla sléttu meðfram ánni Adishchala þar til við komum að vaði nokkru. Við förum yfir ána á hestbaki og þegar við komum yfir mætir okkur jökullinn Adishi, ævaforn og mikill handan við gullfallegt engi þakið fönn og fjallablómum. Hér gefast mörg tækifæri til að taka einstakar ljósmyndir og skapa ótrúlegar minningar. Ganga dagsins endar í þorpinu Ifrari þar sem borðum saman kvöldverð og gistum.

Erfiðleikastig | Krefjandi

Göngulengd | 17 kílómetrar

Tími | 6 - 7 klukkustundir

Keyrsla | 0 kílómetrar

Dagur 9 | 17. Júní

Áfangastaðir: Ushguli, Georgía

Við göngum í átt að þorpinu Ushguli sem situr í 2.200 metra hæð. Við förum í gegnum skóglendi að nálægu engi. Það er magnað útsýni yfir fjallið Tetnuldi sem blasir við okkur á leiðinni. Áfangastaður okkar, Ushguli, er á heimsminjaskrá UNESCO og er jafnframt hæsta þorp Evrópu sem státar af samfelldri búsetu frá fyrri tíð. Frá þorpinu sjáum við tind fjallsins Shkhara, sem er hæsti punktur Georgíu.

Við borðum saman kvöldverð í Ushguli og gistum þar.

Erfiðleikastig | Krefjandi - Erfitt

Göngulengd | 15 kílómetrar

Tími | 4 - 5 klukkustundir

Keyrsla | 0 kílómetrar

Dagur 10 | 18. Júní

Áfangastaðir: Mestia, Georgía | Zugdidi, Georgía | Kutaisi, Georgía | Gelati Monastery, Georgía

Við ferðumst aftur til Mestia með hádegisverðistoppi í borginni Zugdidi. Næst keyrum við til borgarinnar Kutaisi sem er fimmta elsta borg álfunnar áður en við höldum til Gelati klaustursins sem er á heimsminjaskrá UNESCO, tilkomumikið meistaraverk frá miðöldum Georgíu. Á þeim tíma var klaustrið miðstöð vísinda, menntunar og stór þáttur í örum vexti borgarinnar. Það var einnig starfrækt sem háskóli og var mikilvægasta miðstöð menningar Georgíu þess tíma.

Í Kutaisi borðum við saman kvöldverð og gistum yfir nótt.

Keyrsla | 280 kílómetrar

Dagur 11 | 19. Júní

Áfangastaðir: Tbilisi, Georgía

Eftir morgunverð á hótelinu og förum síðan með fararstjóra okkar í gönguferð um gamla bæjarhlutann í höfuðborginni, Tbilisi. Borgin er ævaforn, núverandi staðsetningu hennar má rekja aftur til ársins 458 og hafa fornleifafræðingar fundið leifar frá byggð sem var þar á bronsöld. Það er nánast eins og að fara aftur í tímann að ganga um þessa fallegu borg, við heimsækjum meðal annars Metekhi kirkjuna sem stendur á kletti með útsýni yfir Mtkvari ána og einnig heimsækjum við víðfræg súlfúrböð borgarinnar.

Við borðum saman hádegisverð á veitingastað í Tbilisi.

Eftir hádegisverðinn ferðumst við með kláfi upp til Narikala virkisins sem var gríðarlega mikilvægt fyrir varnir borgarinnar á öldum áður. Við heimsækjum einnig Meidani torgið og Shardeni stræti sem er einn vinslasti áfangastaður ferðamanna í borginni - þar finnum við kaffihús, listagallerí, verslanir og fleira. Við munum einnig heimsækja Sioni dómkirkjuna, Anchiskhati kirkju, óperu- og ballethús borgarinnar sem og Rustavi leikhúsið í þessari gönguferð.

Við endum kvöldið á því að heimsækja súlfúrböðin og borðum saman kvöldverð á veitingastað í borginni áður en við erum keyrð á flugvöllinn. Við eigum flug til Riga rétt eftir miðnætti.

Keyrsla | 225 kílómetrar

Dagur 12 | 20. Júní

Áfangastaðir: Riga, Lettland | Keflavík, Ísland

Flugið okkar frá Tbilisi til Riga er klukkan 00:05 og við lendum þar klukkan 03:30. Frjáls dagur í Riga þar til við förum áleiðis heim til Íslands um kvöldið, við gistum á Tallink Hotel Riga.

Riga er afskaplega falleg borg og margt spennandi að sjá hér, til dæmis eitt stærsta samansafn af Art Noveau og Jugend byggingalist. Gamli bærinn í Riga er á heimsminjaskrá UNESCO og auðvelt fyrir gangandi vegfarendur að komast leiðar sinnar þar.

Síðan fljúgum við til Íslands klukkan 22:45 og lendum heima klukkan 23:40.